SKIK - NIKS IS ZOAS 'T LEK (1997)
'k Heb een hekel an veul woorden, 'k heb een hekel an gemekker
Mar wat ik nou om hands heb dat zit me lang nie lekker
Waor'k normaal veur op de loop gao, waor'k mij anders goed veur waar
Kiek ik nou recht in de ogen anders komp 't nie veurmekaar
Ik kan der nie umhen, 't is mij nog nooit zo rauw op 't dak vallen
't Liefst zol ik op de rekken gaon
Mar dit is nie veur spek en bonen, dizze keer is't eerns
Ik kan me niet verkroepen achter 'n riege coniveren
En waorum zol ik dat ok doen, waorom zol ik dat ok doen
Dit is nie veur spek en bonen, dizze keer is 't eerns
't Is tied worden um te kiezen, al doe'k mar iene miene mutte
Of'n stroogie trekken, de lange of de korte
Ik zal toch wat moeten zeggen, 't hoge woord der uut
Kan mezolf nie meer verstaon, want ik heur enkel 't geluud
't Geluud van rauwe dinger, die mij de hiele dag op 't dak vallen
't Liefst gao'k op de rekken
Mar dit is nie veur spek en bonen, dizze keer is't eerns
Ik kan me niet verkroepen achter 'n riege coniveren
En waorum zol ik dat ok doen, waorom zol ik dat ok doen
Dit is nie veur spek en bonen, dizze keer is 't eerns
In 't kiezen tussen dinger ben'k meestentieds nie al te star
Eendenborst of euh, pinda's van de Spar
't Lust mij allebijden mar daor giet 't nou nie um
't Giet hier nou um later en ik vraog mij af waorum
Waorumme heb ik hier nou nooit 's eerder eem goed bij naodacht
't Liefst gao 'k op de rekken
Mar dit is nie veur spek en bonen, dizze keer is't eerns
Ik kan me niet verkroepen achter 'n riege coniveren
En waorum zol ik dat ok doen, waorom zol ik dat ok doen
Dit is nie veur spek en bonen, dizze keer is 't eerns
Vandage moet 't wezen, vandage is de dag
Da'k met de botte biele, in 't ronde houwen mag
Ik duur 't nou wel waogen, vandage zal'k 't zeggen
Al wee'k nog nie precies hoe'k 't uut moet leggen
't Is veur mien eigen bestwil of is dat juust egoistisch
't Liefst zou'k op de rekken gaon
Mar dit is nie veur spek en bonen, dizze keer is't eerns
Ik kan me niet verkroepen achter 'n riege coniveren
En waorum zol ik dat ok doen, waorom zol ik dat ok doen
Dit is nie veur spek en bonen, dizze keer is 't eerns
Dizze keer is 't eerns, is nie veur spek en bonen
Dizze keer is 't eerns
'k Moet de schoenen poetsen veur da'k naor de kerke gao
'k Moet de stoep vegen iederiene kek der nao
Ik moet die acceptgiro's naor de bank hen brengen
En mien lidmaotschap van de bieb verlengen
Moet noar mien oma hen, die he'k te lang nie zien
Moet nog helpen schilderen bij 'n goeie vriend
Moet mien band plakken veur da'k ok mar war kan doen
En vanaovond wol ik weer 's aolderwets naor de kroeg met joe
Mar ik kan't nie wachten, ik kan't nie wachten
Ik kan't nie wachten, ik kan't nie wachten
Ik kan't nie wachten, ik kan't nie wachten
Ik kan't nie wachten
'k Heb 'n hiele liest met mensen die'k moet bellen
En a'k ze belle dan wol'k ze ok even die mop vertellen
Van die boer en die knechte en die neije fietse
't Is 'n goeie bak mar ja ik heb gien tied
'k Moet eigenlijk nog even naor de winkel toe
'n Verjaordagskadotie kopen veur mien moe
Nou moe'k snel wezen anders bennen de winkels dicht
Mar veur ik weg gao wol'k eerst nog even luusteren naor 't weersbericht
Mar ik kan't nie wachten, ik kan't nie wachten
Ik kan't nie wachten, ik kan't nie wachten
Ik kan't nie wachten, ik kan't nie wachten
Ik kan't nie wachten
Ze hebben mij zegd ontspanning is 't sleutelwoord
Probeer 't is met yoga of zulkswat
Of zo'n fijne harp plaat van dat jong van Vollenweider ach
Der bennen manieren zat, der bennen manieren zat
Mar 't help allemaol gen zak, a'j 't nie kunnen wachten
Ik kan't nie wachten, ik kan't nie wachten
Ik kan't nie wachten, ik kan't nie wachten
Ik kan't nie wachten
Mien tuune lek ja net 'n maonlandschap
En de regengeut zit vol met bruune drab
'K moet ok neudig weer 's naor de tandarts hen
Veurda'k de troste bezitter van 'n kunstgebit ben
Je hebben geliek, ja, nou moet 't mar 's wezen
Even rust inplaats van aal zo hard te pezen
Mar 'k heb 't leste plaatie van de Beatles nog nie heurd
En ik heb de kraante nog niet lezen dus ik weet nie wat der is gebeurd
Wat is ter toch gebeurd
Ik kan't nie wachten
Ik kan't nie wachten, ik kan't nie wachten
Ik kan't nie wachten, ik kan't nie wachten
Ik kan't nie wachten
Ik stao te graag met beide poten op de vaste grond
Die grond waor ze mij altied al van zeeden
Dat is nog 's vastigheid, daor ku'k zowat ja blind op gaon
Mar dat blek nie zo te wezen
Zo heb ik altied meent dat iederiene de zolde kansen hef
En dat meeste mensen goed bedoelen
Mar ik heur't mezolf aal vaker zeggen a'k weer ergens achter kom
O, zit dat zo, dat wee'k dan weer mooi
Zo zie'j mar weer, niks is zoas 't lek
Van die mensen waor ik eigenlijk altied van heb dacht
Dat bennen mensen met verstand van zaken
Kom ik der nou toch achter dat 't grootste gros van zulkse lui
Der eigenlijk ook mar wat van maken
Teleurgesteld is misschien ok weer niet 't goede woord
Want soms kan 't ok wel 's hiel lachwekkend wezen
A'j toch alle morgen over weer ik wat veur blunders in de kraante lezen
O, zit dat zo, dat wee'k dan weer mooi
Zo zie'j mar weer, niks is zoas 't lek
O, zit dat zo, dat wee'k dan weer mooi
Zo zie'j mar weer, niks is zoas 't lek
An leraars, ministers en oz Lieve Heer
An dokters, pastoors en an domeneers
An bedrieven en instellings en wetholders ok
En vanzolf an mezolf ok wul ik 't vraogen
Hoe zit dat, hoe zit dat, hoe
O, zit dat zo, dat wee'k dan weer mooi
Zo zie'j mar weer, niks is zoas 't lek
'K heb altied dacht dat waorheid in 't midden lag
En dat die waorheid soms hiel hard kan wezen
Mar nou blek soms die waorheid hielmaol nergens lag
En dan komp 't mij integen
't Was vleden weeke nog wel aordig, 't was vleden weeke nog wel schier
Toe ko'j nog wel op de buuten wezen, toe was de zunne nog te zien
't Blad zat gruun nog an de bomen en ogenschienlijk nog goed vast
Nou ben we net 'n weeke verder en opiens is't zo kaold as wat
't Regent as 'n grote, 't blad is geel en bruunig
Alle blad dat weijt mij met 'n noodgang deur de tuune
Ik stao der bij te kieken
Hoe kan dat nou, hoe kan dat nou, hoe kan dat nou zo gauw?
Hoe kan dat nou, hoe kan dat nou, hoe kan dat nou zo gauw?
Hoe kan dat nou?
't Was gistermiddag nog wel lachen, 't was gistermiddag nog wel leuk
Mar tegen de aovand weud 't duuster, da's 'n eeuwenaold gebruuk
Dus daor stun ik nie van te kieken, mar waor ik wel deur weud verrast
Was dat mien wichie zo opiens zee dat heur liefde veur mij over was
Ik zee daorop tegen heur, ku'j dat misskien motiveren
Mar toen peuk ze heur jaase, ze wol 't nie iens proberen
Ik stun der bij te kieken
Hoe kan dat nou, hoe kan dat nou, hoe kan dat nou zo gauw?
Hoe kan dat nou, hoe kan dat nou, hoe kan dat nou zo gauw?
Hoe kan dat nou?
Vanmorgen stun ik mal te kieken, ik was mirakels slecht te pas
Pas nao 'n halve liter koffie kreeg ik 't zeil weer in de mast
'k Krabte de assche van mien koeke en ik dacht hiel bijdehand
Gien weersomstandigheid, gien wichie stek mij de fietse in de brand
Die gedachte meuk mij vrolijk, ik kon me nie bedwingen
Om zachies te gaon fluiten even later ston'k te zingen
En daor stun ik van te kieken
Hoe kan dat nou, hoe kan dat nou, hoe kan dat nou zo gauw?
Hoe kan dat nou, hoe kan dat nou, hoe kan dat nou zo gauw?
Hoe kan dat nou, hoe kan dat nou zo gauw?
Hoe kan dat nou, hoe kan dat nou zo gauw?
Hoe kan dat nou, hoe kan dat nou, hoe kan dat nou zo gauw?
Hoe kan dat nou, hoe kan dat nou zo gauw?
Hoe kan dat nou, hoe kan dat nou, hoe kan dat nou zo gauw?
Hoe kan dat nou, hoe kan dat nou, hoe kan dat nou zo gauw?
Hoe kan dat nou, kan dat nou?
In 't verleden hung ik joe ja an de lippen
Wa'j ok zeeden, ik nam 't gewoon veur waorheid an
Ik bleef mar sloeken van joen veuls te zuute baksels
En van die koeke, daor wo'k nou misluk van
En dan ku'j mij wel verslieten veur eigenwies of weet ik wat
Mar ik kan 't niet helpen, 'k heb 't altied al zo had
Want zo ist en zo is dat, makluk zat
Hoe't zo gruijen kon dat is mij aal nog ien groot raadsel
En da'k der achter ston, daor kan ik nou bij God nie bij
Wat toe wel zo was, ik had mezolf niks in de reken
En moe'j toegeven, dat is ja niks veur mij
En dan ku'j mij wel verslieten veur eigenwies of weet ik wat
Mar ik kan 't niet helpen, 'k heb 't altied al zo had
Want zo ist en zo is dat, makluk zat
En dan ku'j mij wel verslieten veur eigenwies of weet ik wat
Mar ik kan 't niet helpen, 'k heb 't altied al zo had
Want zo ist en zo is dat, want zo ist en zo is dat
Want zo ist en zo is dat, makluk zat
En dan ku'j mij wel verslieten veur eigenwies of weet ik wat
Mar ik kan 't niet helpen, 'k heb 't altied al zo had
Want zo ist en zo is dat, want zo ist en zo is dat
Want zo ist en zo is dat, makluk zat
Ik heb wel geduld, ik kan wel wachten tot sint juttemis
Mar of ik dat wul, ik denk dat dat nou juist de vraog even is
Waor moe'k dan op wachten, moe'k dan wachten tot jij der klaor met bennen
A'k zo lange zonder joe moet, dan kan ik der beter direkt an wennen
Da'j nie kunnen kiezen, daor kan ik nie bij dat snap ik nie
War he'j te verliezen, niks as jeuzelen en ok veul verdriet
Waor stao'j op te wachten, denk mar nie dat 't vanzolf giet
Maak nou maar an, want echt veul langer wachten dat doe ik nie
Beter nooit dan ooit, beter nooit dan ooit
Beter nooit dan ooit, beter nooit
Te veul beloofd, te veul zegd wa'j nou nie nao kunnen kommen
Dat het valse hoop, mar hoe dat het kan mij gien zak verdommen
Later, later, later, mar wanneer is dat later dan
Liever nog niet, dan da'k mien hiele leven wachten kan
Beter nooit dan ooit, beter nooit dan ooit
Beter nooit dan ooit, beter nooit
Nooit, ik trap der nooit meer in, want 't hef totaal gien zin
Om te wachten op de dag, om te wachten op de dag
Beter nooit dan ooit, beter nooit dan ooit
Beter nooit dan ooit, beter nooit dan ooit
Beter nooit dan ooit, beter nooit, beter nooit dan ooit
Beter nooit dan ooit, beter nooit dan ooit
Beter nooit, beter nooit, beter nooit
Beter nooit, beter nooit, beter nooit
Beter nooit dan ooit, beter nooit dan ooit
Beter nooit dan ooit, beter nooit
Ik trap de fietse deur 't buulzand hen op 'n zandpad tussen Slien en Erm
En as ik dalijk even in Diphoorn ben dan fiets ik deur
Langs Emerzand gao'k op Veenoord an
Neij Amsterdam en dan langs 't Dommersknaal
En as ik dalijk dan de kassen zie dan fiets ik deur
Want ik wul aal wieder, ik wul alles zien
De leste mooie dag van 't jaor misschien
Alhoewel 't met de winterdag ok donders mooi kan wezen
Ik wul aal wieder deur naor Weiteveen
Want achter op 't veld daor mag 'k graag wezen
A'k hier zo fietse en 't weijt nie slim dan giet 't haost vanzolf
Wie dot mij wat, wie dot mij wat, wie dot mij wat vandage
'k Hen de banden vol met wind, nee ik heb ja niks te klagen
Wie dot mij wat, wie dot mij wat, wie dot mij wat vandage
'k Soll wel zeggen ja het mag wel zo
Ik trap de fietse deur 't buulzand hen op 'n zandpad langs de Duutse grens
Ik denk da'k dalijk even kieken gao in 't buutenland
De gruppe over, op naor Schoningsdorf, ik stao even te kieken bij'n iemenkorf
En ik stao hier even te denken wat za'k nou doen, links of recht deur
Want ik wul aal wieder nog naor Hebelermeer
'n Kaorte he'k nie neudig want ik ken 't hier
Want a'k daor dalijk over 'n slootie gaoi dan ben'k weer terug in Nederland
Ik wul aal wieder nog naor Barger-Compas, naar Klazienaveen-Noord en 't Oostersebos
A'k hier zo fietse en 't weijt nie slim dan giet 't haost vanzolf
Wie dot mij wat, wie dot mij wat, wie dot mij wat vandage
'k Hen de banden vol met wind, nee ik heb ja niks te klagen
Wie dot mij wat, wie dot mij wat, wie dot mij wat vandage
'k Soll wel zeggen ja het mag wel zo
Ik gao nou over Barger-Oosterveld over 't schoelpattie kort daor bij de Honeywell
En dan recht deur tot de brugge van Oranjedorp
'n Stukkie Bladderswieke en dan de Herendiek en a'k pastoorse bos en de toren zien
Dan fiets ik deur want 't weijt nie slim, 't giet vandaag vanzolf
Wie dot mij wat, wie dot mij wat, wie dot mij wat vandage
'k Hen de banden vol met wind, nee ik heb ja niks te klagen
Wie dot mij wat, wie dot mij wat, wie dot mij wat vandage
'k Soll wel zeggen ja het mag wel zo
Wie dot mij wat, wie dot mij wat, wie dot mij wat vandage
'k Hen de banden vol met wind, nee ik heb ja niks te klagen
Wie dot mij wat, wie dot mij wat, wie dot mij wat vandage
'k Soll wel zeggen ja het mag wel zo
't Is lange zo slim nie meer, nou en dan, dan komp 't weer
Dan denk ik opiens an joe en ik kan der schienbar niks an doen
Want ik kan joe dan zowat heuren praoten en a'k goed kiek kan ik joe zien
't Is lange zo slim nie meer, absoluut, misschien
't Is lange nie hoe ik ben, mar ik kun der nie umhen
't Is aordig lang duuster west, ok al deu ik wel mien best
Um de wolken weg te denken um de zunne weer 's te zien
't Giet misschien wel beter zo, absoluut, misschien
Absoluut 't giet wel over, misschien duurt 't langer dan'k had dacht
En dat ha'k niet dacht
't Is lange zo slim nie meer, daor komp 't wel op neer
T'weud ok wel neudig tied, 't Is mar goed da'k beter weer
Want achter 'n schip met zoete appels ku'j 't lucht zowat nie meer zien
Mar zolfs de zwartste wolken weijen weg, absoluut, misschien
Mar zolfs de zwartste wolken weijen weg, absoluut, misschien
We hebben 't nou wel zien, me dunkt, zo was't wel zat
't Is half meert en alles is nog kaold en nat
We hebben scheufeld en 't hef sneijt, me dunkt zo was't we best
De wereld wordt aal warmer schient mar zo kaold hef 't lang nie west
Dus nou is 't wachten, nou is't wachten op de zunne
Op de zunne, op de zunne, 't is wachten op de zunne
Op de zunne, op de zunne, 't is wachten op de zunne
Op de zunne, op de zunne, 't is wachten op de zunne
Cowboys of indiaans, kiezen kon'k al nooit
'n Schiere hoed of 'n tooi, cowboys of indiaans
Pijl en boog of pistool, 'n pony of 'n peerd
Ik ben 't nog nie verleerd, cowboys en indiaans
Cowboys en indiaans, da's wat wij altied waren
Cowboys en indiaans, cowboys en indiaans
Gao ik met alles met, gao'k der liek tegen in
Ik kiek wel wie der wint, cowboys of indiaans
't Is feitelijk 't zolde, 't zolde as toe
Wat ku'j nou beter wezen, wat ku'j nou beter doen?
Cowboys en indiaans, da's wat wij altied waren
Cowboys en indiaans, cowboys en indiaans
Cowboys en indiaans, cowboy en indiaan
Waor strandt 't schip en zol e ooit stranden
Waor staon jij en ik, zol 't vuur blieven branden
Hoe is't daor in Slochteren, is't gas zowat op
Blef 't hier rustig of kriegen we bommen op de kop
Hoe is 't met de dieren, hoe lang is 't nog vertrouwd
Um dreuge worst te eten, die BSE maakt mij benauwd
Of valt 't nog wel met, dat wul'k toch wel hopen
Want ik ben ja nie van plan um sojaworst te kopen
't Is wel naief en wat makluk misschien
Mar 't help 't zo goed man
Ach we zullen 't wel zien, ach we zullen 't wel zien
Ach we zullen 't wel zien, ach we zullen 't wel zien
Ach we zullen 't wel zien
Kriegen we hier ok gevechten tussen Jezus en Allah
Kriegen we hier ok te maken met oprukkende toendra
Word't nou kaoler of tropisch ofzo
'k Heb gien idee mar we zien 't zobiezo
En hoe met die ozon komp dat gat nog wel dicht
Hoe is't met de bossen komp 't eind al in zicht
Zo kim ie ant denken en wo'j kats depresief
Mar te positief is ok snel te naief
't Is wel simpel en makluk misschien mar 't helpt zo goed man
Ach we zullen 't wel zien, ach we zullen 't wel zien
Ach we zullen 't wel zien, ach we zullen 't wel zien
Ach we zullen 't wel zien
De wereld dreijt wel deur en de mensen ok
De wereld dreijt wel deur en de mensen ok
Ach we zullen 't wel zien, ach we zullen 't wel zien
Ach we zullen 't wel zien, ach we zullen 't wel zien
Ach we zullen 't wel zien, ach we zullen 't wel zien
Ach we zullen 't wel zien, ach we zullen 't wel zien
Ach we zullen 't wel zien, ach we zullen 't wel zien
Ach we zullen 't wel zien, ach we zullen 't wel zien
Ach we zullen 't wel zien
Wat 'n kabaal aal
Wat 'n kabaal aal, wat 'n kabaal aal, wat 'n kabaal
Wat 'n kabaal aal, wat 'n kabaal aal, wat 'n kabaal
aal
Der is gien twiefel over meugelijk, dit is de zin van 't bestaon
Met zien tweetjes naor de Intratuin of zu'we naor Ikea gaonn
Of lekker naor 'n meubelboulevard, naar Doeland of de Gamma
Elke zundag weer dan vraogen wij mekaar, wat is vandage 't programma
Eigen huus en tuune wij hebben 't veur mekaar, wij weten wel wat mooi is
Eigen huus en tuune wij hebben 't veur mekaar, wij weten wel wat mooi is, ja
Der is gien twiefel meer we gaon der veur, we kopen ons 'n partytent
Vleden weke hebben we 'n vuurkorf kocht, toe he'we ons zolf 's flink verwend
En wat nog meer, o ja, nou wee'k 't weer, 'n schutting van echte bamboe
't Is zo fijn um zundags hier te zijn, ja wat wo'j int weekend dan doen
Eigen huus en tuune wij hebben 't veur mekaar, wij weten wel wat mooi is
Eigen huus en tuune wij hebben 't veur mekaar, wij weten wel wat mooi is, ja
We treuzelen nie, dus bennen we mooi op tied
Dan is alles nog op veurroad, we nemen alles met
Want 't is ja haost veur niks as we betalen met de clubcard
Eigen huus en tuune wij hebben 't veur mekaar, wij weten wel wat mooi is
Eigen huus en tuune wij hebben 't veur mekaar, wij weten wel wat mooi is
Wij weten wel wat moois, wij weten wel wat mooi is, ja